Sot u mor vendimi për 23 personat që u ndaluan pas protestës në “Rrugën e Kombit”. Rreth 1 mijë efektivë “blinduan” Gjykatën e Tiranës, në të cilën ditën e sotme dolën të gjithë të ndaluarit. Në përfundim të seancës u vendos arrest me burg për 11 persona.
Gjykata vendosi detyrim paraqitje për: Ahmet Tobli, Lulzim Popa, Saimir Trota, Lefter Rexhmatin, Adem Durakun dhe Armand Ademin, Ardit Alidini, Zenel Matmuja, Fatos Harulla, Rasim Koloshi.
Arrest shtëpie është vendosur për Shaban Selmanin dhe Shemsi Trotën.
Arrest me burg për: Xhevahir Herenin, Elton Cenkun, Florin Onuzin, Shkëlqim Vata, Xhevahir Gashi dhe Elvis Oruçi, Rasim Onuzi, Abdi Haziraj dhe Vasil Laçi, Edmond Matmuja.
Ndërsa për Shpëtim Totën është vendosur arrest me burg për 20 ditë.
Pasi gjyqtarja përfundoi leximin e vendimit në sallë u dëgjuan të thërritej: “Turp! Turp!”.
Brenda dhe jashtë Gjykatës
Gjatë seancës së ditës së sotme pati tensione mes disa deputetëve të Partisë Demokratike dhe forcave të policisë, të cilat fillimisht nuk i lejuan të futen në sallën e gjyqit.
Edmond Spaho u shfaq i gjakosur teksa foli për mediat: “Do të përplasen me qytetarët, do të përplasen me ne. Forcat e policisë ushtruan dhunë. Me dhunë Edi Rama nuk do ta ketë të gjatë”.
Ai telefonoi edhe ministrin e Brendshëm Xhafaj, duke i kërkuar largimin e policisë, e cila më pas lejoi deputetët e PD-së të futen në sallën e gjyqit, e cila u zhvillua pa praninë e medias.
Në anën tjetër të Lanës, nuk mungoi edhe grumbullimi i qytetarëve në mbështetje të të arrestuarve. Ata kërkuan lirimin e tyre, duke thirrur me megafon: “Lironi djemtë tanë! Rama ik! Arrestoni qeveritarët”.
