Eni Koçi dhe Genc Prelvukaj prej kohësh janë përfolur se janë në një lidhje dashurie. Megjithatë, pavarësisht se kanë qarkulluar vazhdimisht foto të tyre në media, ata nuk e kanë pranuar një gjë të tillë duke insistuar në faktin se janë vetëm shokë dhe asnjë gjë më shumë.
Komentet në rrjetet sociale, por edhe fotot e shkrepura nga paparacët ku ata shfaqen të kapur dorë për dore i kanë shtuar akoma më shumë dyshimet se midis tyre nuk ka thjesht shoqëri, por bëhet fjalë për një lidhje dashurie.
Zërat e lidhjes së tyre nisën të qarkullonin vitin e kaluar, teksa ata ishin në Amerikë. Ndërkohë që ka kaluar plot një vit nga këto lajme, dje Eni ka publikuar në Instastory dy video ku shihen disa dhurata romantike me të cilat ajo është surprizuar.
Mos vallë Eni dhe Genci po festojnë 1 vjetorin e lidhjes së tyre? Sipas “Iconstyle.al” shumë mundësi kjo është e vërtetë dhe mund të themi me plotë gojë që Genci është një mashkull super romantik.
E kush nuk do të donte një super buqetë më trëndafila, çokollata dhe natyrisht një palë vathë Swarovski? 
