“Doktor Plastik” titullohet emisioni i ri që do të nisë shumë shpejt në televizionin Klan.
Një format i njohur tashmë dhe i ngjashëm me emisionin “Cover” të Orinda Hutës në Vizion Plus, sjell personazhe të ndryshme në fokus, kryesisht njerëz të thjeshtë që nuk u pëlqen diçka të vetja dhe duan t’i nënshtrohen një ndërhyrjeje plastike.
Kiara Tito, moderatorja e cila do të drejtojë emisionin ka folur me herët edhe për personazhet që do të jenë pjesë e këtij formati:
“Nuk do të merremi me VIP-at, sepse kam dëgjuar shumë persona që e thonë këtë. Do të jenë njerëz të thjeshtë dhe nuk do t’i shohim vetëm në sallën e operacionit, por do t’i ndjekim edhe në përditshmërinë e tyre”, rrëfeu Kiara duke zbuluar se emisioni do të jetë në formën e nje reality show.
“Doktor Plastik” që nis të shtunën në orën 17:15 në TV Klan, do të sjellë nga afër përjetimet e personave që nuk kanë qenë asnjëherë të kënaqur nga pamja e tyre fizike dhe zgjedhin ta ndryshojnë atë në sytë e të gjithëve.
