Agnesa Vuthaj u shpall Mis Kosova në vitin 2003 dhe Mis Albania në vitin 2004. Kanë kaluar pothuajse 14 vite nga kohë kur ka mbajtur në kokë kurorën e misit dhe sot shfaqet po aq e bukur dhe e hijshme sa asokohe.
Kurora e misit ishte një ogur i mirë për bukuroshen, e cila tashmë ka një karrierë të konsoliduar në fushën e modës, me projekte kombëtare dhe ndërkombëtare. Së fundmi Agnesa është prezantuar edhe si një sipërmarrëse e suksesshme duke hapur një biznes çantash.
Kurioziteti për këtë biznes nuk ka lënë pa prekur edhe fëmijët e emisionit “Në kurthin e Piter Pan”, të cilët e kanë pyetur modelen se ku i ka gjetur paratë me të cilat hapi biznesin.
“Për të hapur biznesin kam investuar kursimet e mia të 10 viteve”, u përgjigj Agnesa pa hezituar.
Gjatë këtij emisioni Agnesa zbuloi edhe domethënien e emrit të saj.
“Në fakt emri im, Agnes, do të thotë qengj i butë”, tha modelja bukuroshe duke shpjeguar kështu edhe një tipar të personalitetit të saj, urtësinë e pashoqe që e karakterizon.
