Kjo është ndarja më shokuese e një çifti të famshëm, pas asaj të Angelina Jolie dhe Brad Pitt. Channing Tatum dhe Jenna Dewan njoftuan ndarjen e tyre pas 9 vitesh martesë.
Çifti, të dy 37 vjeç, zbuluan lajmin duke postuar një deklaratë në “Instagram”, ku këmbëngulnin se do të mbeten “dy miq të mirë”, por pranojnë se janë në “dy drejtime të ndryshme”.
Dy yjet kanë një vajzë të quajtur, Everly, e cila mbush 5 vjeç më 31 maj dhe thonë se do të mbeten ‘”prindër të dashur e të përkushtuar” pas ndarjes shokuese.
Çifti u shfaq për herë të fundit bashkë në publik më 6 nëntor, në premierën e filmit “War Dog: A Soldier’s Best Friend”, përpara se të merrnin pjesë në muajin e fundit në “Kids ‘Choice Awards”, ku ai u ngjit në skenë dhe ajo e ndiqte me të bijën Everly.
Channing u takua me Jenna-n në setin e “Step Up” të 2006-s, ku ata luajtën rolin e dy të dashuruarve dhe u martuan 3 vite më vonë në një ceremoni në Malibu të Kalifornisë, në korrik të vitit 2009.
Mesazhi i tyre për të gjithë ndjekësit është ky:
Hej njerëz! Ne kemi diçka të cilën do të donim ta ndanim.
Së pari, ndihet e çuditshme që ne duhet ta ndajmë këtë gjë me të gjithë, por kjo është pasojë e jetëve që kemi zgjedhur të bëjmë, për të cilën jemi shumë mirënjohës.
Jemi duke jetuar në një kohë të pabesueshme, por është gjithashtu një kohë kur e vërteta mund të shtrembërohet me “fakte alternative”, shumë lehtë. Kështu që ne duam të ndajmë të vërtetën, në mënyrë që ta dini se nëse nuk e keni lexuar këtu atëherë është me siguri trillim.
Me përzemërsi kemi zgjedhur të ndahemi si çift. Ne ramë thellësisht në dashuri vite më parë dhe kemi pasur një udhëtim magjik së bashku.
Absolutisht asgjë nuk ka ndryshuar për mëyrën se si e duam njëri-tjetrin, por dashuria është një aventurë e bukur, që po na çon në rrugë të ndryshme tani…
Nuk ka sekrete dhe ngjarje të fshehta në rrënjën e vendimit tonë – vetëm dy miq të mirë që kuptojnë se është koha për të patur hapësirë dhe për të ndihmuar njëri-tjetrin të jetojë një jetë sa më të lumtur dhe të përmbushur, që të mundet.
Ne jemi ende një familje dhe gjithmonë do të jemi prindër të dashur dhe të dedikuar për Everly. Ne nuk do të komentojmë përtej kësaj dhe ju falënderojmë të gjithëve paraprakisht për respektimin e privatësisë së familjes sonë. Shumë dashuri për të gjithë, Chan & Jenna.
