Është përfolur shpesh herë se aktorja Cameron Diaz do të shkëputet nga aktrimi. Kjo e fundit ka konfirmuar se i ka dhënë fund aktrimit dhe se është e kënaqur me jetën e tanishme.
“Ditë më parë kemi pasur një drekë pune dhe kemi biseduar për mundësinë e rikthimit në setin e filmit. Sinqerisht, unë do të dua që kjo të ndodhë, por Cameron ka theksuar shprehimisht se nuk dëshiron t’i kthehet botës së aktrimit. Ajo është e kënaqur me jetën e gjertanishme”, tha shoqja e biondinës, aktorja Selma Blair.
Në intervistën e fundit me Entertainment Weekly, aktorja 45-vjeçare pranoi se “me të vërtetë kam vendosur t’i them lamtumirë aktrimit.
“Unë mendoj se është koha të shijoj jetën, sidomos tani që jam në pension”, ka pohuar Diaz.
Diaz për herë të parë në skenë u shfaq në moshën 22 vjeçare në komedinë “The Mask”.
Bukuroshja është martuar që nga viti 2015 me anëtarin e bendit “Good Charlotte”, Benji Madden.
