Ricky Martin ka treguar historinë e njohjes me bashkëshortin Jwan Yosef.
46-vjeçari e njohu në Instagram artistin suedez të lindur në Siri dhe bisedoi me të online për gjashtë muaj, para se ta takonte atë personalisht.
“Unë e kontaktova dhe biseduam për gjashtë muaj. Ne dërgonim mesazhe, flisnim për jetën dhe çështjet ekzistenciale”, tha ai. “Asgjë seksi, asgjë seksuale. Nuk është se ai po më dërgonte fotografi seksi dhe anasjelltas, betohem …”.
Këngëtari tha se gjëja e parë që i tha vetes ku më në fund takoi fizikisht 33-vjeçarin ishte: ‘Do të martohem me këtë djalë’.
“Dhe me sa duket ai kishte thënë saktësisht të njëjtën gjë”, shtoi ai. ‘Natyrisht ai ma tha këtë më vonë, se duhet ta mbash pak për veten tënde në fillim!
“E humba frymën kur e pashë. Gjashtë muaj komunikim dhe ishte shumë romantik”.
Çifti kanë dy djem binjakë, nëntëvjeçarët Matteo dhe Valentino, të cilët kanë ardhur në jetë nëpërmjet një nëne surrogate.
Në një intervistë të veçantë për Gay Times, ai shpjegoi sesi vazhdimisht u mëson djemve të tij përkufizimet e ndryshme të familjes.
“Dashuria e menaxhon veten në miliona mënyra. Unë flas me fëmijët e mi çdo ditë për mënyrën se si çdo familje është e ndryshme”, tha ai.
Ylli i Puerto Rikos diskutoi gjithashtu se si e fshehu seksualitetin e tij për vite me radhë dhe si e keqësoi atë.
“U dorëzova plotësisht në karrierën time”, tha ai. “Unë nuk i kam hapur dyert për marrëdhënie të reja, dhe nuk po flas për marrëdhënie romantike, po flas për çdo lloj marrëdhënie, sepse nuk dua që njerëzit të më njohin shumë.
“Unë nuk ulesha dhe s’kisha një marrëdhënie të shkëlqyeshme me producentët apo drejtorët e filmave të mëdhenj, sepse kisha frikë se nëse ata kalonin më shumë se dy orë ulur me mua, do të njihnin natyrën time”.
