Më 23 shkurt u zhduk pa asnjë gjurmë aktorja me origjinë shqiptare që është bërë e njohur me filmin “All or nothing”, Adea Shabani.
Prej dy vjetësh 25-vjeçarja ishte vendosur në Los Angeles duke punuar për të ndjekur ëndrrën hollivudiane. Ajo studionte në Los Angeles për aktrim dhe miqtë e saj filluan të shqetësoheshin kur ajo nuk kishte shkuar më në mësim.
Sipas “The Sun” policia e Los Angeles njoftoi se një trup i gjetur hedhur në një varr të cekët është i aktores dhe modeles shqiptare nga Maqedonia.
Nga hetimet e policisë Adea Shabani, është parë duke ikur nga shtëpia e saj në Hollywood më 23 shkurt me të dashurin e saj Cris Spotz. 33-vjeçari që ishte i lidhur me një grua tjetër, vrau veten kur policia po e ndiqte me shpejtësi të madhe javën që shkoi.
Policia e Los Angeles, ditën e hënë, rreth 430 milje larg në një varr afër një pellgu në Spencevile Wildlife Area, California, gjeti trupin e pajetë të Adeas, por që tashmë duhen bërë konfirmimet e ADN-së për të qenë të sigurt që është 100% trupi i saj.
Përmes një avokati, i dashuri i saj Spotz u tha hetuesve se ata kishin ikur nga Los Angelos për një udhëtim në shtëpinë e babait të tij në veri në California.
Ai u tha policëve se kishin debatuar të dy gjatë udhëtimit dhe ai e kishte zbritur atë në anë të rrugës, por nuk e kishte parë më.
Kapiteni i Policisë, Billy Hayes, tha në konferencën e shtypit “se ne nuk besuam se ishte e vërtetë. Nuk kishte asnjë provë që ta mbështeste atë që na tha ai e ky ishte shkaku që ne e mbikëqyrëm.”
Gjatë hetimeve për zhdukjen e vajzës, kapiteti i Policisë Hayes tha se Spotz dhe e dashura e tij po iknin nga Los Angelos për në shtëpinë e prindërve të saj në Fort Morgan të Colorado, jashtë Denverit.
Kur hetuesit u përpoqën ta ndiqnin atje, Spotz ishte zhdukur. Të enjten ai bëri që Policia ta ndiqte drejt Los Angelos para se ai fatalisht ta qëllonte veten në kokë.
Oficeri Hayes tha se hetuesit dyshojnë se aktorja ka qenë e vdekur për më shumë se një muaj dhe dyshohet se Spotz ka lidhje me vdekjen e saj.
Ai nuk pranoi të komentonte mbi arsyen e vrasjes, por nuk përjashtoi faktin që mund të ishin përfshirë edhe të tjerë në vrasjen e saj.
Adea kishte jetuar në Loz Angelos për dy vjet derisa u zhduk. Vajza bionde me sy blu thuhet se ka studiuar administrim biznesi në Universitetin Amerikan të Parisit pasi ishte larguar nga vendlindja e saj.
