Angelina Jolie duket se ka një dashuri të re në jetën e saj. Aktorja 42-vjeçare është në një lidhje me një agjent të pasurive të patundshme, sipas një raportimi nga “Entertainment Tonight”.
Thuhet se edhe ish-bashkëshorti i saj Brad Pitt, me të cilin u divorcua në 2016-n, është duke u njohur me një femër, por nuk dihet se kush është fatlumja.
“Po, ajo po njeh dikë”, thotë burimi.
Agjenti i pasurive të patundshme është përshkruar si “i pashëm” dhe “i vjetër në pamje”. Gjithashtu theksohet se ai nuk është i famshëm apo nuk ka një profil të lartë.
Shkruhet se ai jeton në Los Angeles, ku është edhe vendi në të cilin aktorja kalon më shumë kohë për t’u kujdesur për 6 fëmijët e saj, Maddox, 16 vjeç, Zahara, 13 vjeçe, Pax, 14 vjeç, Shiloh, 11 vjeç dhe binjakët 9-vjeçarë Knox dhe Vivienne.
Burimi thotë se marrëdhënia nuk është serioze, por thjesht për të patur një tjetër të rritur për të kaluar kohë dhe që është i dobishëm. Miqtë e saj e kanë parë Jolie më të lumtur.
“Njerëzit flasin për ribashkimin e tyre, por kjo nuk do të ndodhë kurrë. Gjërat ndërmjet Brad dhe Angelina me të vërtetë përfunduan keq dhe ndërsa tentuan terapi me fëmijët, ata mezi mund të qëndronin në të njëjtën dhomë së bashku”, thotë burimi.
I njëjti burim shton se, femrat me të cilat lidhet aktori nuk janë të njohura.
Burimi: Daily Mail
