Rezarta Shkurtën jo rrallëherë e shikojmë të bëhet pjesë e titujve kryesorë të mediave rozë për jetën e saj personale.
Por për çudinë e të gjithëve në jo pak raste mediat e ngatërrojnë me modelen e njohur Afroviti Goge. Në media qarkullojnë disa shkrime që i dedikohen Rezartës, por që shoqërohen me foto e Afrovitit.
Ky ngatërrim identiteti e ka nxehur Rezarta Shkurtën dhe ajo ka reaguar nëpërmjet disa postimeve në “Instastory”.
“Kisha vetëm një sqarim për portalet tona, sepse u bënë mbi 7 vite me këtë lapsus…”, shkruan Rezarta në “Instastory”, e publikuar sot.
Ndërkohë në një postim të dytë ka publikuar edhe foton me të cilën e ngatërrojnë të gjithë.
“Te kjo foto nuk jam unë. Nuk jam unë. Kaq kisha”, ka përfunduar Rezarta.
Në fakt asnjëri prej nesh nuk dëshiron që t’ia ngatërrojnë identitetin me dikë tjetër dhe shqetësimi i Rezartës është mëse i drejtë.
