Ai është shkëputur nga “Portokalli” prej disa kohësh tashmë dhe pas pjesëmarrjes në Këngën Magjike bashkë me kolegun Erion Isai, aktori i humorit Bes Kallaku ka plane të tjera për në televizion.
Ai dhe kolegu i tij Erion Isai pritet të kthehen shpejt në ekran me një emision të tyrin. Sipas burimeve të Gazetës Express mendohet se dyshja e aktorëve do të realizojnë një emision në televizionin Klan Plus.
Në fakt pritej një rikthimit i Kallakut në ekran ndonëse është aluduar për televizione të ndryshme duket se do të jetë në Klan Plus qëndrimi i tij. Aktualisht ai dhe bashkëshortja e tij Xhensila Myrtezaj janë në pritje të fëmijës së tyre të parë, e cila do të jetë vajzë.
