Rezarta Shkurta dhe Zaimina Vasjari gjithmonë kanë qenë aq shoqe të ngushta sa që çdo moment të rëndësishëm të jetës së tyre e ndanin bashkë. Për çudinë e të gjithëve marrëdhënia e tyre u ftohë aq shumë saqë Rezarta nuk u bë e gjallë as për momentin më të rëndësishëm të Zaiminës, kur ajo u bë nënë dhe erdhi në jetë Khloe, mungoi urimi i saj për ish-mis Durrësin.
Dyshimet se midis tyre kishte ndodhur një krisje u shtuan edhe më shumë kur ato filluan të mos e ndiqnin më njëra-tjetrën në “Instagram”. Zaimina e ftuar në emisionin “Xing me Ermalin” konfirmoi publikisht krisjen që ka ndodhur në atë periudhë mes tyre.
“Ne kemi qenë shoqe dhe jemi shoqe shumë të mira, flasim. Por është e vërtetë që kemi pasur një debat me njëra-tjetrën dhe kemi pasur një periudhë të shkurtër kur nuk flisnim të tregohem e sinqertë. Po kush shoqe nuk ka pasur asnjëherë debate me njëra-tjetrën, ka edhe hatërmbetje. Por Rezarta reflekton direkt, gjënë e parë që bën është bllok” , u shpreh Zaimina.
