Një ditë pas natës së parë të spektaklit u përfol se Almeda Abazi e ka braktisur “Dancing with the stars”.
Shkaku i këtij largimi të supozuar është përfolur se ka ardhur si pasojë e shtrimit në spital të bashkëshortit të saj Tolgahan.
Aktori ishte vaksinuar për t’iu shmangur sëmundjeve që mund të marrë në Afrikë, aty ku i duhej të shkonte për të takuar fansat, por vaksina i kishte shkaktuar reaksion alergjik.
Për shkak të kësaj, Almeda vetëm një ditë pas puntatës së parë të “Dancing with the stars”, mori rrugën për Stamboll për të qenë pranë bashkëshortit, gjendja e të cilit është normalizuar.
Lajmi mori dhenë duke u përhapur gjithandej në faqet e medieve rozë dhe vetëm pak më parë me një postim në Instagram ka qenë vetë bukuroshja Abazi e cila i ka dhënë përgjigje definitive këtyre diskutime.
“Dancing With the stars Albania shihemi javën e ardhshme”, shkruan Almeda Abazi në postimin e saj.
