Elvana Gjata u rikthye në vëmendjen e të gjithëve me albumin e saj më të ri “3EP”, të cilin e prezantoi në një koncert recital me një grup të ngushtë miqsh. Ajo la mbresa të mëdha në publik dhe këngët e saj janë shndërruar në hite.
Këngëtarja simpatike është bërë nostalgjike dhe sot publikoi në “Instagram” një status që e ka bërë në “Facebook” para 5 vjetësh.
“Zgjedh ta ndaj me ju këtë ndjesi timen shumë të sinqertë. Ndonjëherë rutina, problemet dhe streset e punëve ditore na bëjnë të lëmë pas dore disa nga gjërat më të shtrenjta që kemi në jetë, duke harruar që nuk jemi të përjetshëm. Ndaj kur u ktheva në shtëpi, vrapova drejt prindërve të mi dhe me lot në sy nisa t’i puth pa pushim, duke falënderuar zotin që i kam në jetë. Bekim, mirënjohje e përulje atyre që na dhanë jetë!”, shkruan Elvana në postimin e bërë para 5 vitesh.
Të njëjtën ndjesi Elvana tregon se e përjeton çdo ditë edhe pas 5 vitesh.
