Më 10 gusht, Prishtina do të mirëpres këngëtaren shqiptare, Dua Lipa.
Krahas datës, asnjë detaj tjetër për këtë koncert nuk është bërë publik derisa babai i saj Dukagjin Lipa, zbuloi detaje të tjera për emisionin “Nd’rrimi i Natës”.
Ai rrëfeu se hapësira ideale për mbajtjen e këtij koncerti është Parku i Gërmisë për shkak të kushteve që ofron. 22-vjeçarja do të jetë e pranishme në Kosovë për 3 ditë së bashku me artistë të tjerë shqiptarë e të huaj.
Gjithashtu për ta shoqëruar do të vijë për herë të parë në Prishtinë, Albert Stanaj.
Action Bronson, si edhe DJ-i me famë botërore Martin Garrix do të jenë të pranishëm për të dhuruar spektakël.
