Bella Hadid zbulon se ajo ka pasur shumë pasiguri gjatë adoleshencës. Modelja 21-vjeçare është një nga imazhet më të njohura në industrinë e modës, por ajo pranoi që vetëm “kohët e fundit” ndihet komode me pamjen e saj, pasi pesha dhe vetullat e holla e bënin që të ishte e pasigurt, kur ishte adoleshente.
Duke folur për “Cosmopolitan”, Bella rrefeu:
“Mendoj se kam patur më shumë pasiguri për paraqitjen time të jashtme, se sa çdokush tjetër. Ndërsa rritesha, kam qenë gjithnjë e vetëdijshme për vetullat e mia, por nuk e dija se mund të bëja diçka për to. Kam pasur gjithnjë vetulla vërtetë të holla, i kam ngjarë babait. Kam qenë “topolake” deri në moshën 15-vjeçare, kështu që kishte shumë gjëra që doja të ndryshoja, duhet të rritesha në fytyrë (të mos ngjajë më fëmijërore). Nuk isha shumë e sigurt me veten deri kohët e fundit”.
Megjithatë, Bella tani është e dashuruar me pamjen e saj dhe ka zgjedhur që t’i mbushë vetullat me laps.
“Bëjini false derisa t’ia dilni. Vetullat janë një pjesë e bukur te fytyra e gruas dhe e mashkullit, kështu që të jemi në gjendje për t’i shtuar është një revolucion për mua”, thotë ajo.
Modelja gjithashtu pëlqen të përdorë një kontur të lehtë për të theksuar përkufizimin e fytyrës së saj.
“Nuk bëj kontur çdo ditë, por sigurisht që të ndryshon jetën. Domethënë, të konturosh hundën dhe nofullën. Dhe ruzhi më ka ndihmuar që të dukem dhe të ndihem më e shëndetshme, duke më shtuar vetëbesimin. Ishte kjo dhe rritja, që më të bënë të ndihem më e sigurt”, tha modelja Hadid.
Ajo nuk ka pranuar asnjëherë se i është nënshtruar operacioneve plastike në hundë apo në buzë, si dhe mohoi në këtë mënyrë shtimin e vetullës në mënyrë tjetër veç lapsit.
Burimi: Daily Mail
