Ermal Mamaqi është një ndër moderatorët më gazmor të ekranit shqiptar. Gjithmonë e kemi parë të qeshur dhe me batutën në majë të gjuhës, por si të gjithë ne edhe ai ka kaluar momente të vështira në jetën e tij dhe nuk është gjatë gjithë kohës duke qeshur.
I ftuar në emisionin “Në kurthin e Piter Pan”, Ermali zbuloi se një ndër momentet më të vështira në jetën e tij ishte një aksident i tmerrshëm që pësoi në Ferizaj të Kosovës. Moderatori i njohur kujton se gati më shumë se një vit më parë ai shpëtoi mrekullisht, pasi pas aksidentit makina e tij u nda në dy pjesë.
I pyetur nga fëmijët e “Në kurthin e Piter Pan” se cila ishte frika e tij më e madhe që ka provuar, Ermali tha është mos duartrokitja e publikut dhe aksidenti në Ferizaj, ku më shumë pati frikë për të birin.
“Kur shkova në shtëpi, hapa derën, më doli para Joeli dhe aty më kapi një e qarë… aq sa Joeli tha ‘babi po qan?’” – tha Ermali duke shtuar se sa e tmerrshme mund të ishte nëse do të ndodhte diçka më e keqe.
Ai ishte një prej momenteve më të vështira në jetën e tij, pas të cilit, Ermali u jep një mesazh të gjithëve: “Aty te kilometrazhi i makinës mbani foton e fëmijëve tuaj dhe do ta shikoni që kujdesi do të jetë më i madh”, – tha ai.
Ndërkohë tregoi për herë të parë edhe emrin e vajzës.
“Po e them këtu për herë të parë, se nuk e kam thënë më parë. Është Sia…. “ – tha Ermali dhe këtë zgjedhje e kanë bërë nisur nga kuptimi: “Sia do të thotë fitore, është një emër biblik, ndaj edhe ne kemi bërë këtë zgjedhje…”, u shpreh moderatori.
