Më 12 mars në orën 5 të mëngjesit erdhi në jetë vajza e Ermal Mamaqit dhe Amarda Toskës. Lajmin e bëri të ditur vet moderatori i njohur nëpërmjet postimit të një fotoje në “Instagram”.
“Zoti na bekoi përsëri, kësaj radhe me vajzë…”, ishte përshkrimi i fotos ku Ermali shfaqej së bashku me Amin dhe vogëlushen e tyre të porsalindur.
Mjaftuan vetëm pak orë dhe kjo foto theu çdo rekord të personazheve të famshëm shqiptar në “Instagram” përsa i përket pëlqimeve. Vajza e Amit dhe Ermalit u shpall Mbretëresha e re e “Instagramit” duke lënë pas Xhensilën dhe Besin, të cilët me një foto nga ceremonia e dasmës së tyre deri në atë ditë mbanin rekordin e pëlqimeve.
Ermali na tregoi fytyrën engjëllore të vogëlushes së tij, por përsa i përket emrit, na e la enigmë. Një burim i Kids Time ka zbuluar se çifti nuk po binte dakord për emrin, por më në fund vendosën që ta quajnë Sia, sikurse këngëtarja me famë botërore. Me sa duket fati i saj është i destinuar që kur të rritet të bëhet një personazh i famshëm dhe i suksesshëm. Ndërsa kujtojmë se djali i tyre quhet Joel.
