Pak kohë më parë, fotot e modeles shqiptare, Xhesika Berberi me këngëtaren e njohur, Selena Gomez bënë bujë në të gjitha mediat.
Xhesika po ndjek karrierën e saj në Amerikë dhe ka mundësi të takojë edhe personazhe të famshëm atje.
Por me Selena Gomez ishte ndryshe pasi ajo jo vetëm e takoi por edhe i shkoi në shtëpi. Për INtv, Xhesika u shpreh se Selena është njeri shumë i mirë dhe ndihet mjaft e lumtur që e ka takuar.
“Selenën e kam takuar përmes një mikut tim të ngushtë. Kemi qenë tek shtëpia e saj dhe jemi takuar prapë. Ajo është njeri shumë i mirë, me shumë këmbë në tokë, nuk e njihte mendjemadhësinë, kishte një zemër shumë të madhe dhe jam shumë e lumtur që e kam takuar. Me Jennifer Lopez thjesht bëmë foto. Ishte shumë e bukur”, tha modelja.
