Ajo po ndjek gjurmët e yllit të “Tomb Raider”, Angelina Jolie, duke risjell në ekranin e kinemasë heroinën e video-lojërave.
Por, aktorja suedeze Alicia Vikander është kritikuar nga fansat, të cilët mendojnë se 28-vjeçarja nuk e ka gjoksin të madh mjaftueshëm për këtë rol.
“Një Tomb Raider me gjoks më të vogël? Nuk më pëlqen fare”; “Gjoksi i saj nuk është mjaftueshëm i madh për rolin”. Këto janë dy nga komentet e shumta nëpër rrjetet sociale.
Përball këtyre komenteve qëndronin ato që ishin në mbrojtje të aktores:
“Edhe nëse “Tomb Raider” do të kishte një vajzë me gjoks të madh, ajo sërish do të kritikohej për trupin e saj”.
Lara Croft, vajza sypatrembur e një aventurieri të zhdukur duhet të tejkalojë limitet e saj, kur e gjen veten në ishullin ku është zhdukur i ati.
“Tomb Raider,” i shfaqur fillimisht në ekranin e madh në vitin 2001 me Angeline Jolie në rolin e Croft, rikthehet në një kohë kur Hollivudi po i jep grave më shumë role qendrore në zhanrin e dominuar kryesisht nga meshkujt.
Ai do të jetë edhe një bast për “Warner Bros” që ka zgjedhur Alicia Vikander si yllin e ri të aksionit, pas suksesit të aktores jo shumë të njohur izraelite Gal Gadot në “Wonder Woman”.
Alicia Vikander u vlerësua me çmimin “Oscar” si aktorja më e mirë në rol dytësor në vitin 2016, për interpretimin në “The Danish Girl”.
Burimi: Daily Mail
