Dy ditë pasi konfirmoi ndarjen nga modelja Gigig Hadid, Zayn Malik është fotografuar teksa po pushonte nën rrezet e Miamit.
Këngëtari i ri britanik, u shfaq vetëm dhe dukej thellë në mendime pas ndarjes nga e dashura, me të cilën kishte 2 vjet e 4 muaj lidhje.
Ai ka marrë një banesë me qira për t’u qetësuar, ndërsa mediat dhe rrjetet sociale ende vlojnë nga lajmi i bujshëm. Por ajo që na ra në sy nga këto foto ishte tatuazhi që Zayn bëri për Gigi-n pak kohë më parë.
Dy sytë e modeles ende qëndronin në kraharorin e tij, një tatuazh i veçantë për të cilin fansat u tallën pak kohë më parë duke e quajtur “ters” për lidhjen. Nuk dihet nëse Zayn do ta heqë tatuazhin, por fakti që nuk e ka bërë deri tani, ka kuptim apo jo!
Këngëtari Zayn Malik dhe modelja e njohur Gigi Hadid vendosën që të ndahen pas dy vjetësh e 4 muajsh bashkë. Ishte vetë Zayn ai që bëri të ditur këtë lajm përmes një statusi në rrjetin social Twitter, ku tregon se ky ishte një vendim shumë i vështirë.
“Gigi dhe unë kishim një marrëdhënie tepër të rëndësishme, të dashur dhe zbavitëse dhe kam një respekt të madh për Gigin si një grua dhe një mike. Ajo ka një shpirt të madh! U jam mirënjohës të gjithë fansave tanë për respektimin e këtij vendimi të vështirë dhe privatësisë sonë në këtë kohë, ne dëshirojmë që ky lajm të ketë ardhur prej nesh së pari. Ju duam të gjithëve. XZ”, ka shkruar Malik.
