Dy të famshmet shqiptare, modelen Emina Cunmulaj dhe këngëtaren Dafina Zeqiri i bashkoi Amerika, pasi kanë kaluar një ditë të tërë në shoqërinë e njëra-tjetrës.
Prej vitesh Emina Cunmulaj jeton në SHBA ku ka zhvilluar karrierën e saj si modele, por gjithashtu ka krijuar edhe familje.
Sa i përket Dafinës, ajo ndodhet atje për të vijuar me karrierën e saj muzikore, ndërkohë që përpiqet të depërtojë në tregun ndërkombëtar.
Megjithatë, ato kanë surpizuar publikun dhe fansat e tyre pasi u shfaqën bashkë ditën e kaluar. Emina megjithëse ka shumë vite që është larguar nga atdheu, vazhdon të ruajë traditat shqiptare dhe një ndër vlerat e saj është mikpritja.
Shpeshherë ajo fton në shtëpinë e saj personazhe të tjerë të famshëm shqiptarë e këtë herë ka qenë radha e Dafinës. Këngëtarja dhe modelja kanë kaluar momente të bukura nën shoqërinë e njëra-tjetrës, ndërkohë që Dafina është njohur edhe me vogëlushen e Eminës.
