Bora Zemani dhe Ilda Bejleri, janë dy gazetaret sportive që u ironizuan në emisionin “Provokacja” të Mustafa Nanos. Deklaratat e bujshme të tij, që i cilësonte dy bukuroshet vulgare dhe të padenja për ekranin televiziv me veshjet e tyre, bënë xhiron e mediave këto dy ditë.
Ndërsa Ilda Bejleri zgjodhi ti kundërpërgjigjej deklaratave të Nanos, Bora vendosi ti kalojë në heshtje këto komente. Ndërsa janë fansat ata që nuk e lënë të kalojë kjo situatë duke ia kujtuar moderatores dhe në një farë mënyre zbulojnë edhe sesi Bora ka vendosur t’i kundërpërgjigjet Nanos.
Bora dje ka postuar në “Instagram” një foto e veshur e gjitha me të zeza, por duke mos i ekspozuar astet e saj. Pikërisht kjo gjë i ka bërë fansat të komentojnë se ajo është vënë në sedër nga deklaratat e Nanos dhe ka vendosur të reagojnë në mënyrën e saj.
“U vure në sedër nga Mustafa Nano dhe qenke mbuluar sot”
“Kujdes moj vajzë se e çmende Mustafa Nanon”
“Do të akuzojë Mustafa Nano për veshje pastaj”, janë disa nga komente e fansave në foton e Borës.
Për çudinë e të gjithëve Bora ka vendosur ta kalojë në heshtje këtë situatë dhe madje nuk ka dhënë asnjë sinjal as ndaj komenteve të fansave.
