Meghan Markle ka rrëmbyer zemrat e të gjithëve me elegancën e saj, por dhe me buzëqeshjen që e shoqëron në çdo takim. Jeta e re si bashkëshortja e ardhshme e princ Harry-t e ka bërë që pjesën më të madhe të kohës të jetë në udhëtime.
Meghan në një intervistë për revistën britanike “Hello” është shprehur për një fiksim të sajin sa herë që udhëton. Ajo zbuloi se nuk udhëton dot pa pecetat e lagura apo locionin antibakterial.
Meghan është shumë e fiksuar pas pastërtisë dhe higjienës, dhe sa herë që udhëton sigurohet që paraprakisht të pastrojë sediljet e avionit.
“Përpara se të ulem në sediljen e avionit, kujdesem që ta pastroj vendin me peceta antibakteriale, që të sigurohem që gjatë orëve të udhëtimit, nuk rrezikohem të marrë ndonjë mikrob, apo ca më keq të sëmurem”, ka thënë Markle.
Princesha e ardhshme la të kuptonte se kur flitet për pastërtinë nuk bën asnjë kompromis, pavarësisht se shumëkujt veprimi i saj mund t’i duket i çuditshëm. Dhe kur e mendon këto produkte nuk kushtojnë më shumë se 1 paund dhe të gjithë ne mund ta bëjmë këtë para se të udhëtojmë për të mbrojtur shëndetin tonë.
