Me rastin e ditës së 8 Marsit, trashëgimtarja e njohur e Top Channel, Lori Hoxha ka thënë disa fjalë për të gjithë ata që kanë menduar se ajo është aty ku është, falë të atit.
Lori tregon se ka kaluar shumë vështirësi bashkë me nënën dhe motrat e saj në këto 10 vjet dhe pavarësisht se nuk kishin mbështetje, ia kanë dalë. Ndonëse shprehet e nderuar që është vajza e Dritan Hoxhës, Lori thotë se pas vdekjes së tij ia ka dalë vetë. Më poshtë mund të lexoni statusin e fashionistas shqiptare kushtuar të gjitha grave dhe vajzave:
“Na kanë mësuar që në moshë të vogël se duhet të gjejmë princin tonë, sepse pa të nuk jemi të plota. Shoqëria jonë ka indoktrinuar në trurin tonë se vajzat e vogla nuk mund t’ia dalin në këtë botë pa ndihmën e një mashkulli. E pra kjo nuk mund të llogaritet shumë, por unë jam këtu për t’ju thënë boll me këto gjepura. Më kanë thënë që unë jam këtu vetëm për shkak të babait tim. Ndonëse jam e nderuar dhe e përulur të jem vajza e tij dhe të njoh ndikimin e tij të madh në jetën time, isha katërmbëdhjetë vjeç kur ai vdiq. Dhe ndërsa e kam falënderuar gjithë jetën për gjithçka, kam harruar gjatë rrugës se ia kemi dalë vetë në këto dhjetë vjet.
Nëna ime, dy motrat dhe unë kemi luftuar mbi gjithçka për të qenë këtu sot dhe për t’ia dalë vetë edhe pse na është thënë se nuk ishim mjaftueshëm të mira sepse ishim gra dhe na duheshin disa burra për të na marrë seriozisht. Kështu që sot i lavdëroj ata. Nëna ime rriti katër fëmijë dhe po mban një perandori mbi shpatullat e saj, motra ime ndërtoi familjen e saj dhe është një nga nënat më të mira që kam takuar ndërkohë që ende përballet me afate për të mbaruar shkollën e Drejtësisë dhe për të ndjekur ëndrrat, dhe motra e vogël nuk ka dyshim që do të bëhet një femër e fortë dhe e fuqishme që nuk do të mposhtet nga asnjë mashkull. Dhe unë, jam krenare që i njoh këto gra dhe kam jetuar me to. Nëse je një femër që po ia del vetëm, jam krenare për ty. Dhe nëse je një vajzë e vogël që po lexon këtë, dua të të them se nëse e respekton veten mjaftueshëm, do t’ia dalësh shkëlqyer”!
