Jemi shumë të prekur nga historia që ndau Nyckol Delasol në “Instagram”, për të treguar se sa forcë kemi brenda vetes. Ajo na bëri të kuptojmë se dashuria e nënës nuk ka çmim dhe nuk ka asgjë që mund ta ndalë për fëmijën e saj.
“Shenjat e dashurisë së Hazel.
Meqenëse shumë njerëz më pyesin, sepse nuk e dinë, pse i kam këto plagë. Pësova një pushim zemre një javë pasi linda vajzën time më 9 korrik. Isha në koma për 2 javë, isha e gjakosur brenda dhe jashtë, që do të thotë se më duhej të merrja transfuzion gjaku. Pata pushim të veshkave dhe të mëlçisë. Më pas një atak. Kam pasur dështim, ngjeshje të zemrës. Në nëntor bëra një operacion në zemër për të vendosur një aparat. Dhe në një vit do të bëj një transplant të zemrës.
Unë i quaj ata shenjat e dashurisë së vajzës sime, sepse e bëra këtë pa frikë për shkak të saj. Megjithëse pothuajse humba jetën, jam ende këtu dhe asgjë nuk më bën më të lumtur sesa të zgjohem me fytyrën e saj të buzëqeshur çdo mëngjes.
Gjithashtu, kam pësuar ndalim në zemër para shtatzënisë. U diagnostikova në vitin 2012. Por, duke qenë shtatzënë, zemra ime më çoi afër fundit. Mjekët më thanë se kisha vetëm 25% shans të jetoja, kur isha 9 muajshe shtatzënë. Nuk e dija se isha shtatzënë derisa isha 5 muajshe. Mjekët më thanë se, nëse do ta kisha kuptuar në tremujorin e parë, do të më kishin thënë ta ndërprisja shtatzëninë, sepse mundësia për të mbijetuar ishte jashtëzakonisht e ulët”.
Burimi: Refinery29
