Ish-miss Shqipëria Almeda Abazi, e cila u martua me aktorin me famë në Turqi, Tolgahan Sayışman, do të jetë prezantuesja e sezonit të ri të emisionit të kërcimit “Dancing with the stars”.
Por sigurisht Almeda Abazi nuk do të jetë vetëm në këtë rrugëtim, pasi siç është traditë, ky spektakël prezantohet nga një femër dhe një ose dy meshkuj. “Gazeta Express” shkruan se krah Abazit në “Dancing with the Stars” do të jetë edhe moderatori Rudi Hizmo.
Ky i fundit është bërë i njohur gjatë prezantimit të emisionit “3Jat” në MAD TV, tashmë i njohur si INtv. Ai ka prezantuar edhe në festivalin e Këngës Magjike.
Rudi ka prezantuar “Dancing with the Stars” bashkë me kolegun, Mateo dhe moderatoren Amarda Toska në vitin 2015, ndërkohë që pritet sërish të rikthehet në këtë format.
Gjithashtu bëhet e ditur se spektakli i kërcimit do të nisë më 23 mars.
