Një blogere kineze 19-vjeçare shkaktoi kaos në një qytet kinez, pasi u tha ndjekësve të saj se do të bënte seks me ta falas, nëse do të shkonin në shtëpinë e saj.
E nuk ishin të paktë ata që nxituan të shkojnë në hotelin që ajo u kishte thënë se ndodhej. Afro 3.000 persona raportohet se janë paraqitur në hotel për të takuar 19-vjeçaren, që njihet me emrin Miss Ye.
Postimi, i cili u fshi më pas, shkruante: “Kush do të vijë te unë… të bëjmë seks… falas”.
Blogerja la numrin e dhomës në postim: 6316.
Ajo u detyrua që të lironte dhomën në orën 22.00, pasi një numër i madh njerëzish nisën të trokisnin në derën e saj. E trembur, Miss Ye iu përgjigj komenteve nën postimin e saj, duke thënë se ishte thjesht duke bërë shaka dhe iu lut njerëzve që të ndalonin së kërkuari atë në hotel.
Ajo u arrestua më vonë nga forcat e policisë nën akuzën e ushtrimit të prostitucionit.
Sipas mediave kineze, raporton DailyMail, ngjarja ka ndodhur në ishullin Hainana në jug të Kinës.
Burimi: Daily Mail
