Këngën “Porsi bananja” të Dashnor Dikos e kujtojmë të gjithë, por pavarësisht suksesit që pati në kohën kur u prezantuar si këngëtar, ai vendosi të largohej nga bota muzikore për t’iu përkushtuar biznesit të tij familjar. Por me sa duket është bërë nostalgjik dhe ka postuar në “Facebook” disa foto ku shfaqet së bashku me Inis Gjonin.
Dyshja e njohur ndajnë së bashku një miqësi disa vjeçare. Në këtë foto ata shfaqen shumë vite më parë. Të dy të rinj dhe me një ngjashmëri befasuese. Flokët kaçurrela gati-gati identike i bëjnë të duken si motër e vëlla.
Inis Gjoni në çdo kohë ka ditur të shfaqet e bukur. Edhe sot pavarësisht viteve që kanë kaluar ajo shfaqet aq e bukur dhe sharmante saqë duket sikur koha e ka mbajtur me hatër.
