Enrique Inglesias dhe bashkëshortja e tij Anna Kourikova na befasuan të gjithëve kur dhanë lajmin se erdhën në jetë binjakët e tyre. Gjithë bota u çudit na ky lajm i papritur sepse çifti e kishte mbajtur sekret shtatzëninë.
Ata tregohen shumë të kujdesshëm për zbulimin e detajeve nga jeta e tyre private. Më në fund janë dorëzuar dhe kanë vendosur që të ndajnë me ndjekësit e tyre imazhet e para të bebeve të tyre të vogla që janë një dashuri e vërtetë.
Këngëtari i famshëm ka postuar në “Instagram” një video ku shfaqet duke puthur bijën e tij të dashur.
“S’ngopem me rrezen time të diellit”, shkruan Enrique krahas fotos ku shfaqet duke puthur njërën nga binjakët.
Çifti ka zgjedhur emra shumë të veçantë për binjakët e tyre, vajzën e kanë quajtur Lucy, ndërsa djalin Nicholas. Por pavarësisht emrave, ata gjatë gjithë kohës iu drejtohen vogëlushëve të tyre me emrin rreze drite.
Në video Enrique thotë Lucy-t “të dua” dhe pastaj hollon zërin dhe e bën sikur i flet e bija: “Jo babi mos më puth kaq shumë”.
Ndërkohë në sfond duket edhe hija e bashkëshortes së tij me binjakun tjetër në krahë.
