Albana Osmani dhe Eneda Tarifa dy vjet më parë patën një mosmarrëveshje që prishi miqësinë e tyre të ngushtë. Shkak i kësaj mosmarrëveshje ka qenë kopertina e një reviste, duke qenë se ato nuk ranë dakord se kush do të dilte në kopertinë e para.
Para disa kohësh Eneda ishte e ftuar në emisionin “Top Show Magazine”, ku Albana është opinioniste dhe u duk qartë se gjërat midis tyre nuk ishin si më parë.
Albana për herë të parë ka folur për prishjen e miqësisë me Enedën në një intervistë për emisionin “Thumb”.
“Flas me Enedën, historia me të më vjen keq që u përkthye ashtu. Të dyja e vuajtëm mungesën e shoqes. Kam folur, nuk mund të them se jemi siç ishim më përpara. Më vjen keq për këtë pasi unë Enedën e dua shumë është një njeri me virtyte. Të gjithë gabojnë në një moment. Eshtë e kaluar gjithçka, nuk takohemi por flasim. “,- rrëfeu Albana.
Ajo gjithashtu zbuloi edhe planet e ardhshme të nismës së saj të bamirësisë. Shumë shpejt do të filloj të shfaqet në “Youtube” një reality-show, tip Ellen DeGeneres, por që do të ketë lidhje me nisëm e saj të bamirësisë.
