Publikohet tani një incizim i Amy Winehouse, i regjistruar kur ajo ishte 17 vjeçe, për të tërhequr shtëpinë diskografike. Këngëtarja është njohur për talentin e saj, po ashtu edhe për betejën me alkoolin dhe drogën, që e çuan atë drejt vdekjes më 23 korrik të 2011-s, në moshën 27-vjeçare.
Ndërsa shumë nga regjistrimet e saj janë shkatërruar pasi ajo u nda nga jeta, kompozitori Gil Cang vendosi të publikonte incizimin e “My Own Way”, pas 8 vitesh.
Cang në atë kohë i propozoi Winehouse rrugën me idenë e tërheqjes së vëmendjes së firmave më të mëdha.
Video përbën lajm në botën e muzikës dhe fansat e këngëtares britanike, sepse thuajse të gjitha këngët e saj të paplota u shkatërruan, me qëllimin për të parandaluar krijimin e albumeve pas vdekjes së saj.
“Unë dhe partneri im James McMillan, kemi shkruar këngë të shumta pop për artistë të ndryshëm, por në ato vite muzika pop shkoi nëpër një sezon të vështirë”, tha Cang për gazetën “Camden New Journal”.
“Kur Amy erdhi të na shihte në studio, ajo hapi gojën dhe na la pa mend. U goditëm në moment nga talenti i saj. Ishim vëretëtë: “Uau, po”.
Pas vdekjes së Amy, Universal lëshoi albumin pas vdekjes “Lioness, Treasures Hidden”, i cili nuk u prit mirë nga kritikët. Pikërisht këto gjykime negative i çuan drejtuesin ekzekutiv të kompanisë, David Joseph, që të ketë një arsye tjetër për të shkatërruar demot jo të plota të këngëtares.
“U mendova për një kohë të gjatë. Kam gjetur këtë demo javën e kaluar dhe vendosa ta publikoj, kështu që të gjithë mund ta dëgjojnë”. tregon Cang.
Burimi: Daily Mail
