Pas kimisë që shfaqën në Sanremo dhe në emisionin “C’è Posta Per Te”, shumë fansa kanë filluar të imagjinojnë një marrëdhënie romantike mes këngëtarëve Ermal Meta dhe Fabrizio Moro.
Dikush e tha si shaka se ata mund të jenë “gay”, por të tjerë kanë nisur të publikojnë foto që lidhen me këto aludime. Duke publikuar fotot e momentit të marrjes së çmimit, fansat komentojnë:
“I puthi qafën duke qeshur”.
Dje në mbrëmje, Ermali e vuri re këtë gjë dhe nisi të bëjë shaka. Në një postim në Twitter ai shkroi:
“Ne e duam shumë njëri-tjetrin, por jo kaq shumë”.
Prej disa kohësh Ermal Meta është i lidhur me spikeren italiane të lajmeve, Silvia Notargiacomo. Dhe sipas mediave italiane, është pikërisht kjo vajza që i ka rrëmbyer zemrën këngëtarit të njohur Ermal Meta.
Ajo madje pas Sanremos, ka ndarë me fansat gëzimin e fitores së Ermalit në festival. Silvia bëri një dedikim për të dashurin e saj, menjëherë pas fitores së tij.
