Të shtunën që lamë pas në emisionin “Xing me Ermalin” ishte e ftuar këngëtarja Elvana Gjata. Gjatë këtij emisioni Elvana zbuloi shumë detaje nga jeta e saj profesionale, por edhe private.
Ermali dhe Elvana sollën në vëmendjen e të gjithëve kohën kur këngëtarja simpatike konkurronte në “Ethet e së premtes”, një show muzikor nga i cili kanë dalë shumë emra të njohur të muzikës shqiptare. Elvana në një përballje me konkurrentin Besmir Metani u skualifikua dhe nuk arriti të shkonte deri në fund të spektaklit.
“Ishe te Ethet? A të s’kualifikuan?” pyet Ermali në një moment Elvanën.
“Ka qenë në garë për skualifikim Elvana Gjata dhe Besmir Metani. Elvanën e skualifikuan dhe Besmir Metani vazhdoi garën. D.m.th. Besmir Metani qëndroi, Elvana Gjatën e skualifikuan. Dhe Besmir Metani vazhdoi garën. Besmir Metani! Nuk di d.m.th. Besmir Metani”, – përsëriti disa herë Ermali duke theksuar se tani Metani thjesht drejton një emision mëngjesi, ndërsa Elvana bën këngë me David Guetta-n.
Elvana tha se Besmiri kishte një zë shumë të mirë, ndërsa ajo ishte ende e vogël dhe zëri i saj nuk ishte pjekur ende, si dhe vendimi i tij për të prezantuar një emision mëngjesi është zgjedhja e tij.
Pas këtij ofendimi Besmiri zgjodhi të reagonte me anë të një postimi në “Instagram” ku ka bërë një sqarim të vogël për të gjithë.
“Elvana Gjata, fiks 15 vite më parë në shkurt, e ti je e bukur njësoj si atëherë! Të uroj shumë suksese kudo që të jesh. Ermal Mamaqi, nuk hoqën Elvanën për të më lënë mua, ishte strategjia e Atij që të na spostonte ne që kishim më shumë vota sesa gjithë pjesa tjetër e grupit që të përgatiste rrugën për çfarë kishte planifikuar aty, edhe mos të të duket çudi që kam pasur me shumë vota se 6 të tjerët bashkë. E sa për zërin tim, o zoti këngëtar, unë s’di si të marrin kompjuterët përsipër ty. Ermal, je Loti Vu”,- shkroi Besmiri dje në “Instagram”.
Ndërsa më pas si për çudinë e të gjithëve Besmiri një pjesë të postimit që bëri e ka fshirë. Çfarë të ketë ndodhur vallë?
