Teksa jemi ende në ethet e festës së 10-vjetorit të Kosovës shtet, Kastro Zizo ka shprehur një pakënaqësi të tij që lidhet me koncertet që u zhvilluan këtë javë në Prishtinë.
Këngëtari shqiptar konstaton me të drejtë se asnjë këngëtar shqiptar nuk u ftua të këndojë në koncertet për pavarësinë në Kosovë. as një nga trevat shqipfolëse, përpos Kosovës nuk u pa të performonte në skenë.
“Ore, më hiqni një kuriozitet, sa këngëtarë të Shqipërisë ishin të ftuar në Kosovë ose diasporë ku ka shqiptarë të Kosovës?! Për 10-vjetorin flas, se ne këtej kemi filluar të flasim gegërisht edhe në Tepelenë! Meqë e kemi fiksim këtë “bashkimin Kombëtar”, ka përfunduar Kastro.
Ai nuk e ka fjalën vetëm për koncertin që u zhvillua në Prishtinë ku performoi Ledri dhe Rita Ora, por edhe për koncertet në diasporë që ka pasur gjatë gjithë javës që shkoi dhe ku me sa duket, numri i këngëtarëve shqiptarë ka qenë i ulët.
