E nominuar nëntë herë nga “BAFTA” (“British Academy Film Awards”), filmi “Three Billboards Outside Ebbing, Missouri” arriti të merrte mbrëmjen e së dielës pesë çmime këtë vit.
Yjet u shfaqën për ceremoninë e ndarjes së çmimeve, që u mbajt në sallën “Royal Albert” në Londër, për të parë filmin që arriti të merrte me vete çmimet kryesore të mbrëmjes.
Frances McDormand, e cila mori çmimin “Aktorja më e mirë”, në fjalën e saj iu referua veshjes, pse nuk kishte zgjedhur një fustan të zi, në mbështetje të viktimave të ngacmimeve seksuale.
“Kam pak probleme me pajtueshmërinë. Por dua që ta dini se unë qëndroj në solidaritet të plotë me motrat e mia sonte, të veshura në të zezë. E vlerësoj një akt të mirëorganizuar të mosbindjes civile. Jam e kënaqur që aktivistët në të gjithë botën janë frymëzuar nga “Three Billboards”. Kur isha një aktore e re, më thanë që nuk isha e talentuar dhe më duhej të punoja për këtë… kështu bëra. Jam mirënjohëse ndaj shkrimtarëve që më ndihmuan të arrija potencialet e mia. Fuqi për njerëzit!”, tha McDormand.
“Three Billboards” mori çmimin “Filmi më i mirë”, duke mundur “Call Me Your Name”, “Darkest Hour”, “Dunkirk” dhe “The Shape Of Water”. Ky i fundit u rendit i dyti me 3 çmime, “Darkest Hour” dhe “Blade Runner” morrën secili nga dy çmime, ndërsa “Call Me Your Name” mori vetëm një trofe.
Lista e plotë e fituesve:
Filmi më i mirë:
THREE BILLBOARDS OUTSIDE EBBING, MISSOURI
Aktorja më e mirë
Frances McDormand, THREE BILLBOARDS OUTSIDE EBBING, MISSOURI
Filmi më i famshëm britanik
THREE BILLBOARDS OUTSIDE EBBING, MISSOURI
Aktori më i mirë dytësor
SAM ROCKWELL, Three Billboards Outside Ebbing, Missouri
Aktori më i mirë
Gary Oldman, DARKEST HOUR
Efektet vizuale më speciale
BLADE RUNNER 2049
Debutimi më i mirë nga një shkrimtar ose regjisor britanik
I AM NOT A WITCH
Dizajni më i mirë i produksionit
THE SHAPE OF WATER
Skenari më i mirë i adaptuar
CALL ME BY YOUR NAME, James Ivory
Film më i mirë në gjuhën e huaj
THE HANDMAIDEN
Makijazhi më i mirë
DARKEST HOUR
Muzika më e mirë origjinale
THE SHAPE OF WATER, Alexandre Desplat
Regjisori më i mirë
Guillermo del Toro, THE SHAPE OF WATER
Skenari më i mirë origjinal
THREE BILLBOARDS OUTSIDE EBBING, MISSOURI Martin McDonagh
Burimi: Daily Mail
