Rita Ora e konfirmoi vetë ardhjen në Kosovë, sot më 17 shkurt. Këngëtarja e famshme me origjinë shqiptare do të këndojë sonte në një koncert të organizuar për 10-vjetorin e Pavarësisë së Kosovës.
“Përshëndetje të gjithëve! Jam shumë e lumtur që do të jem me ju në 10-vjetorin e Pavarësisë së Kosovës në Prishtinë”, shkroi ndër të tjera Ora, në një postim në “Instagram”.
Ajo publikoi një foto të bluzës që dizajnoi për këtë rast, në të cilën shkruhet emri i Kosovës dhe disa nga fjalët kyçe të këtij përvjetori.
Por ajo që tërhoqi më shumë vëmendjen ishte komenti i një serbe me emrin e “Instagram”-it, “martinovic_andjela”.
“Ti ke harruar se Kosova nuk është Shqipëri, Kosova është Serbi”, komenton ajo në postim.
Pas kësaj, nga mesazhet e marra, vajza nga Serbia duket se ka vendosur që të fshijë të gjitha fotot nga profili i saj në “Instagram”.
Burimi: Instagram
