Elvana Gjata ka rrëmbyer vëmendjen e të gjithëve me koncertin e saj privat që organizoi me rastin e ditëlindjes. Ajo këndoi për herë të parë këngët e reja të albumit të saj, të cilin e quajti “3EP”.
Këngët e reja u pëlqyen shumë, por kënga “Më fal” rrëmbeu vëmendjen e të gjithëve, pasi u hamendësua se ajo ishte një dedikim për Flori Mumajesin.
Realizuesi i kësaj kënge, Pirro Çako ishte sot i ftuar në emisionin “Wake Up” nga ku shpjegoi se teksti i këngës është shkruar nga vet Elvana, duke mos konfirmuar nëse ka pasur apo jo një nxitje nga e kaluara.
“Unë kam bërë ‘Gjërat kanë ndryshuar’, por me një tekst tjetër. E kisha shkruar 3-4 vjet më parë, ndërkohë edhe “Ti Shqipëri më jep nder” mora spunto nga disa fëmijë që e recitonin këtë vjershë dhe e kam shkruar muzikën për 10 minuta, ‘Xheloz’, po ashtu, ndërsa këngën ‘Më fal’, tekstin e ka shkruar Elvana, donte të kishte një këngë të sajën. Bashkëpunimi ishte i çuditshëm, por kishte kimi dhe fatmirësisht funksionoi shumë mirë”, tha kantautori Pirro Çako.
