Ermal Meta ka treguar gjithmonë se ka kaluar një fëmijëri të vështirë. Dhuna e të atit ka qenë një dramë e madhe e jetës së tij, por që është bërë shkak për krijimet e tij të ndjera muzikore.
“Kur këndova për herë të parë refrenin e këngës ‘Non mi avete fatto ninte’ më vinte të këndoja, ‘Bastard, nuk më ke bërë asnjë gjë”, ka rrëfyer Ermali ndërkohë që të gjithë e lidhën këtë frazë me babin e tij.
Këngëtari shqiptar arriti të triumfonte në skenën më të madhe të muzikës italine dhe na bëri të gjithëve krenar. Natyrisht që edhe babi i tij, Gëzim Meta ndihet krenar për të birin, pavarësisht akuzave që Ermali ka bërë ndaj tij. Ai është një ndër fansat e tij më të mëdhenj.
Gëzim Meta, babi i Ermalit promovon në rrjetet sociale arritjet e të birit dhe ndihet mjaft krenar kur miqtë e përgëzojnë.
Vitet kanë kaluar dhe ne nuk e dimë nëse atë e bir i kanë rregulluar marrëdhëniet mes tyre.
