Jonida Shehu rrëfeu marrëdhënien e saj me televizionin “Top Channel”, para largimit prej tij. Moderatorja tregoi për “Thumb”, rastin e eventit që u zhvillua një vit më parë në sheshin “Skënderbej”. Bashkia e Tiranës në përurimin e sheshit organizoi një event madhështor dhe ishte menduar që ky event të prezantohej nga moderatorja e njohur e “Pasdite në Top Channel”, Jonida Shehu.
Në atë kohë u përfol se televizioni në të cilin Jonida punonte, “Top Channel”, nuk e ka lejuar të merrte pjesë si moderatore e atij aktiviteti.
E pyetur për këtë rast Jonida shpjegoi se, jo vetëm nuk e kanë lejuar, por nuk i kanë dhënë kurrë një arsye se përse nuk duhet të shkonte.
“Isha një nga personat që do të prezantonte atë event, por nuk rashë dakord me “Top Channel”. Nuk mu dha kurrë një arsye, çdokush do të mërzitej kur nuk i jepet një arsye”, rrëfeu moderatorja.
