Elia Zaharia është një princeshë ndryshe nga ato që jemi mësuar të shikojmë e dëgjojmë në përrallat që na kanë treguar gjyshet tona. Nuk është një princeshë kurorash që shkëlqejnë nga diamantet dhe veshjet e shtrenjta, por është një vajzë e thjeshtë që me ëmbëlsinë e saj i bën të gjithë për vete.
Princesha jonë ditën e djeshme ka festuar ditëlindjen e saj të 35-të në një ambient të ngrohtë familjar. Mes këngësh e miqsh aktorja e njohur e teatrit tonë ka fikur qirinjtë e këtij përvjetori jubilar.
Luli Bitri, Olta Gixhari, Niada Saliasi dhe Soni Malaj ishin disa nga të ftuarit special në ditëlindjen e Elias.
