Kylie Jenner, miliarderja e familjes Jenner-Kardashian, një javë më parë solli në jetë fëmijën e saj të parë. Vogëlushja Storm Webster është fëmija më i famshëm në botë dhe fotoja e saj e parë ka bërë xhiron e botës duke thyer edhe rekordin e pëlqimeve në “Instagram”.
Më parë rekordin e pëlqimeve në internet e mbante Beyonce me foton që lajmëroi ardhjen e binjakëve, duke marrë 11.2 milionë pëlqime. Ndërsa fotoja e vajzës së Kylie vetëm për një ditë ka marrë 14 milionë pëlqime.
Kylie Jenner në ditën më të bukur të jetës së saj është surprizuar nga i dashuri i saj, Travis Scott, i cili i ka dhuruar 443 trëndafila.
Po përse 443 trëndafila? Kylie ka zbuluar se i dashuri i saj i është referuar orës së lindjes së vajzës në 1 shkurt në orën 4:43.
“443 nga zemra ime disa ditë më parë. Në orën kur ajo erdhi në jetë”, ka shkruar Kylie në “Instastory”-n ku tregonte trëndafilat që i dhuroi i dashuri.
Lule Kylie i dhuroi e gjithë familja e saj, si dhe miqtë e saj më të ngushtë.
