Britaniku i parë modern ka pasur lëkurë “të errët gati në të zezë”. Ky është rezultati i një analize të re të skeletit 10,000-vjeçar.
Skeleti më i vjetër i britanikëve, i njohur si Çeddar Man, u zbulua më shumë se një shekull më parë në Shpellën e Goughit në Somerset.
Por pas një ekzaminimi të ADN-së së tij, së bashku me një rindërtim të fytyrës së fosilit, u zbulua se ai kishte një ngjyrë më të errët sesa që ishte menduar më parë, së bashku me sytë e kaltër dhe me flokë të errët dhe të dredhur.
Rindërtimet e mëparshme të Çeddar Man, të cilat nuk ishin të bazuara në të dhënat e ADN-së, e përshkruan atë si një njeri me një ton më të lehtë të lëkurës.
Megjithatë, kërkimet dhe specialistët e ADN-së në Muzeun e Historisë Natyrore dhe në Universitetin e Londrës sugjerojnë se pigmentimi i lidhur me prejardhjen nga Evropa veriore është një zhvillim i fundit.
Procesi i hulumtimit dhe rimodelimit u dokumentua në programin e Channel 4, “Britaniku i parë: Sekretet e një njeriu 10.000-vjeçar”.
Profesor Ian Barnes, udhëheqës i hulumtimit në Muzeun e Historisë Natyrore, tha:
“Për mua, nuk është vetëm ngjyra e lëkurës që është interesante, është kombinimi i tipareve që e bëjnë atë të duket jo si dikush që shihni sot.
“Jo vetëm lëkura e errët dhe sytë blu, por edhe forma e fytyrës. Të gjitha këto të kombinuara së bashku dhe e bëjnë atë thjesht aspak të njëjtë me njerëzit që shihni sot”.
Burimi: The Independent
