Martesa e Adelina Tahirit me biznesmenin maqedonas, Serjoza Markov, u përfol shumë, si dhe u komentua diferenca e moshës mes bashkëshortëve.
Këngëtarja vendosi që mos të kishte shumë fjalë, por të kishte vetëm vepra. Ajo postoi disa foto nga ceremonia e celebrimit dhe më pas nga muaji i mjaltit, pa dhënë shumë detaje.
Tashmë mediat kosovare po shkruajnë se, çifti është në pritje të ëmbël. Lajmi ka dalë fillimisht pasi, Adelina është parë në një nga spitalet gjinekologjike në Shkup, ku ka qenë e shoqëruar me bashkëshortin e saj.
A bëhet fjalë për një fëmijë që do të vijë në jetë? Kjo nuk dihet me siguri, për aq kohë sa çifti ende nuk ka deklaruar asgjë, por nëse lajmet janë të vërteta, atëherë 2018-ta do të jetë një nga vitet më të bukura për Adelinën.
