Prej kohësh në media është aluduar se këngëtari i njohur Butrint Imeri është në një lidhje me moderatoren Kiara Tito. Deri më sot asnjëri prej protagonistëve nuk ka folur për këtë temë. Por Butrinti nuk ka mundur ti shpëtojë pyetjes në “Shiko Kush Luan”.
I pyetur nga Bujar Qamili, në raundin “Përgjigju ose Digju”, që të konfirmonte lidhjen e tij me Kiara Titon, ai është përgjigjur se nuk ka asgjë mes tyre.
“Kiarën e kam vetëm shoqe të mirë, asgjë më shumë”, u shpreh ai.
Kjo përgjigje, mesa duket, nuk i pëlqeu Luanës e cila e kërcënoi se do t’ia ulte pikët skuadrës, por ky kërcënim nuk ia ndërroi mendjen dhe përgjigjen Butrintit.
