Ish-banori i edicionit të dytë të spektaklit “Big Brother Albania”, Arjon Muça, ka qenë i ftuar së fundmi në “Pop Culture”. Ndërkohë që ka folur për karrierën e tij si bloger, Arjoni iu është përgjigjur edhe disa pyetjeve pikante.
I pyetur se cila mendon se është këngëtarja më seksi shqiptare, Arjoni tha se nga mënyra se si ka ecur në rrugëtimin e saj, është këngëtarja Soni Malaj.
Ndërsa një nga pyetjet më pikante ishte se a ka pasur oferta për marrëdhënie seksuale? Ai na befasoi me përgjigjen, duke treguar se i ka ndodhur diçka e tillë.
“Kur kam qenë 24 vjeç. Më kanë ofruar 100 milionë lekë për një natë, por kam refuzuar”, tha Muça.
Përveç pjesëmarrjes në “Big Brother”, Arjoni u bë i njohur edhe si prezantues kur i hyri botës së televizionit, dhe drejtoi disa programe.
Ai njëherësh është djali i një prej stilisteve më të njohura në Shqipëri, Jona Muça.
