Një video e një miu duke bërë dush u publikua javën e kaluar dhe u bë menjëherë virale. Por sipas ekspertëve, në të vërtetë nuk mund të jetë mi dhe më keq akoma, nuk ishte duke bërë dush.
Duke folur për “indy100”, Toumas Aivelo, një studiues në biologjinë e minjve urbanë në Universitetin e Helsinkit në Finlandë, tha se brejtësi ka të ngjarë të jetë një “pacarana” (kafshë që ndodhet në Amerikën Jugore, më i madhi ndër brejtësit), jo një mi.
“Mendoj se është një identifikim i bazuar në sjelljen e dyfishtë të brejtësit. Në anglisht, emri minjtë përdoret shpesh për një numër brejtësish të ndryshëm, por shkencërisht “pacarana”-t janë më të lidhur ngushtë me kavjet, se “minjtë e vërtetë”, të tilla si minjtë norvegjezë ose miu i zi. Gjithashtu, “pacarana”-t me sa duket janë të lehta për t’u kapur, kështu që mund të shpjegojnë pse ka përfunduar si “viktimë” e videos në “YouTube”, tha Aivelo.
Në klip, brejtësi duket se ishte i mbuluar me sapun dhe qëndronte në këmbë. Ai duket sikur po fërkon trupin, duke imituar çuditërisht lëvizjet që bëjnë njerëzit.
Aivelo shprehet se në fakt, brejtësi “nuk është duke pastruar veten”. Ai tha se brejtësit nuk janë mësuar me sapunin dhe nuk do t’i bëjnë ato lëvizje, nëse nuk kanë diçka që me të vërtetë duan ta heqin. Studiuesi shtoi:
“Sapuni është padyshim i panatyrshëm për brejtësit. “Pacarana”-t, për shembull, janë brejtësit, të cilët kanë nevojë për shtresën e tyre, për t’u mbrojtur nga papastërtitë ose lagështia. Ndihmon për ta mbajtur leshin e tyre më lehtë të pastruar. Kështu që, duke u mbuluar me sapun mund të thotë se brejtësi bëhet më shpejt pis. Mendoj se brejtësi është duke u përpjekur për të pastruar sapunin me lëvizje normale, edhe pse duket se ka pak panik. Panik, në një kuptim që është i mbuluar i gjithi me sapun dhe nuk është e lehtë të shpëtoj prej tij”.
Kështu që, mesa duket brejtësi nuk ishte duke u pastruar, por duke u përpjekur që ta hiqte sapunin.
Burimi: Independent
