Daniel Craig është emëruar James Bond-i më pak tërheqës në historinë e filmit, pas një studimi shkencor.
“Hunda rrumbullake, “buzët e holla” dhe “fytyra e gjerë” e 49-vjeçarit e kanë vënë në fund të listës së aktorëve 007, në një seri testesh të matjeve të fytyrës, të nisur nga grekët e lashtë.
Në krye të studimit për James Bond-in më të pashëm renditet Sean Connery, fytyra e të cilit i përputhet 89.2% pamjes ideale, sipas Raportit të Artë.
Teknika tregoi se sytë e aktorit 87-vjeçar, vetullat, hunda, buzët, mjekra, nofullat dhe forma e fytyrës, të cilat janë matur nga viti 1964, kur luajti rolin e 007, në Goldfinger, u përafruan me idenë e të përsosurit sipas grekëve të lashtë.
I ndjeri Roger Moore u rendit i dyti me 88.8%, Timothy Dalton, i treti me 86.5%, Pierce Brosnan i katërti me 86.5% dhe George Lazenby i pesti me 85.2%. Craig ishte i fundit në listë, me 84.2%.
Një rezultat perfekt do të ishte 100%, por është fizikisht e pamundur që të arrish perfeksionin.
