Pasi u bë publik lajmi se, Elvana Gjata do të mbajë një koncert më 3 shkurt, një tjetër e papritur vjen nga këngëtarja shqiptare.
Siç ka bërë të ditur së fundmi në rrjetet sociale, ajo ka lënë Shtetet e Bashkuara të Amerikës dhe është rikthyer në Shqipëri, për disa projekte interesante.
Këngëtarja do të mbajë në Tiranë për herë të parë një koncert recital dhe do të publikojë këngën e saj më të re, në gjuhën shqipe.
Por nga ana tjetër, pas 3 vitesh larg ekraneve shqiptare, Elvanën do ta shohim sërish në një intervistë televizive.
Këtë e bëri të ditur moderatori Ermal Mamaqi, i cili nëpërmjet postimeve në rrjetet sociale, zbuloi se Gjata do të jetë e ftuar në emisionin “Xing me Ermalin”.
Intervista e fundit televizive e këngëtares ka qenë rreth 3 vite më parë, në emisionin “Top Show”, krah Flor Mumajesit.
