Bërja publike e bamirësive është një debat që persona të ndryshëm e komentojnë në mënyrë të ndryshme. Disa janë me idenë që duhet bërë publike sepse kështu nxit edhe të tjerët që të kontribuojnë. Ndërsa disa të tjerë ecin me parimin që nuk duhet bërë publike.
Të shumtë janë ata të famshëm shqiptarë që preferojnë që aktet e tyre të bamirësisë të kalojnë në fshehtësi, duke mos dashur t’i reklamojnë. Një ndër ta është edhe aktori i njohur i humorit Agron Llakaj. Ai lumturon çdo fundvit banorët e vendlindjes së tij, Memaliajit.
Në emisionin radiofonik “Chaud Patate” u bë e ditur se Agron Llakaj shkon çdo fundvit në Memaliaj dhe përveçse i argëton banorët me të qeshura, iu paguan atyre edhe borxhet, duke siguruar kështu që të gjithë të kenë një darkë të qetë në mbrëmjen e ndërrimit të viteve.
